Manuela Schwesig
D Manuela Schwesig (* 23. Mai 1974 z Frankfurt an dr Oder as Manuela Frenzel) isch e dytschi Bolitikeri (SPD) un un syt em 4. Juli 2017 Minischterbresidänti vu Mecklenburg-Vorpommern. Vu Dezämber 2013 bis Juni 2017 Bundesminischteri fir Familie, Seniore, Frauen un Juged gsii un vu 2008 bis 2013 isch si Minischteri fir Arbet, Glychstellig un Sozials z Mecklenburg-Vorpommern. Syt em 2. Juli 2017 isch si Landesvorsitzeri vu dr SPD Mecklenburg-Vorpommern. Vum 13. Novämber 2009 bis zum 3. Juni 2019 isch si aini vu dr fimf stellverdrättende Bundesvorsitzerne vu dr SPD gsii un vum 3. Juni bis 10. Septämber 2019 au aini vu drei kommissarische SPD-Vorsitzerne.
Familie, Uusbildig un Beruef
[ändere | Quälltäxt bearbeite]D Schwesig isch im oschtbrandenburgische Seelow ufgwachse, ihre Vater isch e Schlosser gsii, ihri Mueter e Statischtikeri. Noch em Abitur 1992 am Gymnasium uf dr Seelower Hechine het si ne Studium vum Ghobene Dienscht in dr Styyrverwaltig vum Land Brandeburg absolviert. Anne 1995 het si des as Diplom-Finanzwirti (FH) an dr Fachhochschuel fir Finanze z Königs Wusterhausen abgschlosse.
Derno isch d Schwesig an s Finanzamt z Schwerin gwächslet, wu si as Styyrfahndigsbrieferi gschafft het.[1] Ab Mai 2002 het si im Finanzminischterium vum Land Mecklenburg-Vorpommern gschafft,[2], wu si sich im Referat 320[3] as Styyramtsreeeti fir d Styyrverwaltig mit Frooge vu dr Effetligkaitsarbet un dr Organsisation bscheftigt het.
D Schwesig isch Mitglid im Dytsche Chinderschutzbund.[2]
Si isch syt 2000 ghyrote mit em chaufmännische Laiter Stefan Schwesig un het mit ihm e Suhn (Julian, * 2007) un e Dochter (Julia, * 2016).[1] Am 31. Juli 2010 het si d vorhär konfessionslos Schwesig zämme mit ihrem Mann un ihrem Suhn daife loo[4] un isch mit ihre Familie in di Evangelisch-Lutherisch Landeschilche vu Mecklenburg yydrätte.
Bolitik
[ändere | Quälltäxt bearbeite]Mit 29 Johr isch d Schwesig in d SPD yydrätte.[1] Si ghert em Vorstand vum SPD-Chraisverband Schwerin un em Landesvorstand vu dr SPD aa. Syter anne 2004 isch si Mitglid vu dr SPD-Fraktion in dr Schweriner Stadtverdrättig gsii, wu si syt 2004 stellverdrättendi Fraktionsvorsitzeri un vu Oktober 2007 bis Oktober 2008 Fraktionsvorsitzeri gsii isch.[1][5]
Am 6. Oktober 2008 isch si zue dr Minischteri fir Sozials un Gsundhait im Kabinett vum Erwin Sellering ernännt wore.[6] Ab em 30. Juli 2009 isch d Manuela Schwesig Mitglid im Kompetenzteam vum SPD-Chanzlerkandidat Frank-Walter Steinmeier zue dr Bundesdagswahl 2009 gsii, wu si verantwortli gsii isch fir d Beraich Familie un Soziales.[7] Am 25. Oktober 2011 isch si zue dr Minischteri fir Arbet, Glychstellig un Sozials im Kabinett Sellering II ernännt wore. Vum Oktober 2011 bis Jänner 2014 het si au em Landdag vu Mecklenburg-Vorpommern aaghert.
Am 27. Mai 2013 isch d Schwesig fir dr Wahlkampf zue dr Bundesdagswahl 2013 in s Kompetenzteam vum SPD-Chanzlerkandidat Peer Steinbrück beruefe wore. Si isch dert zueständig gsii fir d Themene Fraue, Familie, Ufböu Oscht, Demografi un Inklusion.[8]
Vum 17. Dezämber 2013 bis zum 2. Juni 2017 isch d Manuela Schwesig Bundesminischteri fir Familie, Seniore, Frauen un Juged gsii.
Wu dr Erwin Sellering sy Ruggzug us dr Bolitik us gsundhaitlige Grind aagchindet het, isch si as Noofolgeri vorgschlaa wore. Am 4. Juli 2017 isch si as erschti Frau zur Minischterbresidänti vu Mecklenburg-Vorpommern gwehlt wore.
Noch em Ruggdritt vu dr Andrea Nahles as SPD-Vorsitzeri het d Schwesig zäme mit dr Malu Dreyer un em Thorsten Schäfer-Gümbel kommissarisch dr SPD-Vositz ibernuu. Am 10. Septämber 2019 isch si vu allne Bundesämter zruggdrätte, wun bin ere Bruschtchräbs diagnoschtiziert woren isch.[9] Am 12. Mai 2020 het si bekannt gee, ass si d Chräbstherapy guet iberstande heeb un ass si wider gsund sei.[10]
Weblink
[ändere | Quälltäxt bearbeite]
Commons: Manuela Schwesig – Sammlig vo Multimediadateie- Abgordnetesyte uf dr Homepage vum Landtag vu Mecklenburg-Vorpommern fir d 6. Wahlperiod
- Lebenslauf im Regierungsportal Mecklenburg-Vorpommern
- Homepage vu dr Manuela Schwesig
Fueßnote
[ändere | Quälltäxt bearbeite]- ↑ 1,0 1,1 1,2 1,3 Die Senkrechtstarterin. Manuela Schwesig wird Sozialministerin In: Schweriner Volkszeitung. 2. Oktober 2008, Syte 5
- ↑ 2,0 2,1 Kampf um das Stadthaus beginnt In: Schweriner Volkszeitung, 29. April 2008, Syte 15.
- ↑ vgl. dr Organisationsblan vum Finanzminischterium Archivlink (Memento vom 14. Jänner 2014 im Internet Archive)
- ↑ SPD-Parteivize Manuela Schwesig lässt sich taufen. In: Hamburger Abendblatt. 25. August 2010, abgruefen am 21. Februar 2011.
- ↑ Daniel Meslien neuer Chef der SPD-Fraktion In: Schweriner Volkszeitung, 8. Oktober 2008
- ↑ NDR Nordmagazin am 6. Oktober 2008
- ↑ Grüne gehen auf Distanz zur SPD. In: Spiegel Online, 31. Juli 2009.
- ↑ Kompetenzteam der SPD bi: spd.de 27. Mai 2013
- ↑ Manuela Schwesig an Brustkrebs erkrankt, Welt, 10. Septämber 2019
- ↑ Manuela Schwesig: „Ich bin wieder gesund“. Bild, 12. Mai 2020
|
Dä Artikel basiert uff ere fräie Übersetzig vu dere Version vum Artikel „Manuela_Schwesig“ vu de dütsche Wikipedia. E Liste vu de Autore un Versione isch do z finde. |